Kryeministri izraelit, Benjamin Netanyahu, nuk e ka shtjelluar deklaratën e tij të bërë gjatë kësaj jave se Izraeli do të mbajë, për një periudhë të pacaktuar, “përgjegjësinë për sigurinë e përgjithshme” në Gaza pasi të largojë nga pushteti Hamasin në përgjigje të sulmeve vdekjeprurëse të këtij grupi militant në Izrael më 7 tetor. Përvoja sugjeron se çdo rol izraelit në siguri do të shihet nga palestinezët dhe pjesa më e madhe e komunitetit ndërkombëtar si një formë e pushtimit ushtarak. Kjo mund të ndërlikojë çdo plan që përgjegjësia qeverisëse t’i dorëzohet Autoritetit Palestinez ose shteteve mike arabe dhe rrezikon ta zhysë Izraelin në një luftë rraskapitëse. Edhe nëse Izraeli do të ketë sukses në dhënien fund të sundimit 16-vjeçar të Hamasit në Gaza dhe të shkatërrojë shumicën e infrastrukturës së militantëve, prania e forcave izraelite ka të ngjarë të nxisë një kryengritje, ashtu siç ndodhi nga viti 1967 deri më 2005.