Një ministër kontrovers izraelit tha se Gaza mund të jetë një "bonus i pasurive të paluajtshme" dhe se një plan biznesi për rindërtimin e saj i është dërguar presidentit amerikan. Bezalel Smotrich, shefi i financave të vendit, nga ekstremi i djathtë, tha në një konferencë në Tel Aviv se kishte "filluar negociatat" me SHBA-në se si të ndanin të ardhurat e çdo marrëveshjeje të ardhshme. Komentet i bëjnë jehonë deklaratave të shumëkomentuara të Donald Trump në shkurt, kur ai tha se Amerika do të merrte Gazën nën kontroll, do ta rindërtonte atë dhe do ta shndërronte në "rivierën e Lindjes së Mesme", me popullsinë e saj që do të zhvendosej në vendet fqinje të rajonit. Trump më pas postoi edhe një video të gjeneruar nga inteligjenca artificiale që e tregon gazën si një qytet në stilin e Dubait, me plazhe ekzotike, gradacela, jahte luksoze dhe njerëz që festojnë.