Për të 24-ën ditë me radhë qytetarë të shumtë dolën në shesh për të protestuar kundër kastës politike. Ndërsa ditët kalojnë, një pjesë e protestuese kërkojnë reagim dhe agresivitet kundër qeverisë, duke shprehur pakënaqësi për mënyrën se si janë menaxhuar protestat deri më tani. Por përtej këtij qëndrimi, protestuesit thanë se nuk do të ndalen, ndërsa akuzuan kryeministrin Rama se po përpiqet që të përçajë shqiptarët. Protestuesit përsëritën qëndrimin se tubimi do të vijojë deri në largimin e kryeministrit Rama dhe kreut të PD, Sali Berisha. Ata thanë se nuk do të dorëzohen dhe se do t’I vijojnë aksionet, ndërsa paralajmëruan një tjetër protestë mbarëkombëtare më 4 korrik.