Sekretari i Mbrojtjes Pete Hegseth pranoi se Pentagoni ka hartuar plane për të marrë Grenlandën dhe Panamanë, me forcë, nëse është e nevojshme, por refuzoi t'u përgjigjej pyetjeve të përsëritura në një seancë dëgjimore në Kongres, në lidhje me përdorimin nga ana e tij të aplikacionit të mesazheve Signal për të diskutuar operacionet ushtarake. Anëtarët demokratë të Komitetit të Shërbimeve të Armatosura të Dhomës së Përfaqësuesve u përfshinë në debate të nxehta me Hegseth, me disa nga pyetjet më të ashpra që vinin nga veteranët e ushtrisë që kërkonin përgjigje të prera me po ose jo, ndërsa ai përpiqej ti shmangte përgjigjet e drejtpërdrejta në lidhje me veprimet e tij si shef i Pentagonit. Në një debat të drejtpërdrejtë, Hegseth dha një përgjigje që habiti të pranishmit. Përfaqësuesi Adam Smith, pyeti nëse Pentagoni ka hartuar plane për të pushtuar Groenlandën ose Panamanë me forcë nëse është e nevojshme. "Puna jonë në Departamentin e Mbrojtjes është të kemi plane për çdo emergjencë," tha Hegseth.