Vladimir Putin thuhet se po përgatit një mobilizim të madh ushtarak brenda muajsh, ndërsa Ukraina po godet makinën e luftës së Rusisë. Paralajmërimi vjen ndërsa sulmet shkatërruese të Kievit vazhdojnë të godasin industrinë e naftës, duke i dhënë kremlinit një goditje poshtëruese. Presidenti çek Petr Pavel tha se mobilizimi mund të jetë i mundur pasi të mbarojnë zgjedhjet parlamentare të Rusisë më 20 shtator. "Rusia do të ketë zgjedhje parlamentare në shtator. Presidenti Putin vështirë se do të shpallë një mobilizim më parë, por sapo të mbarojnë zgjedhjet mund ta bëjë këtë". Kjo do të thotë që Ukraina ka dy muaj kohë për të rinisur bisedimet e paqes përpara se Moska të mund të përshkallëzojë luftën, paralajmëroi gjenerali në pension. Sipas presidentit cek, rusia është nën presion gjithnjë e më të madh ndërsa dronët me rreze të gjatë veprimi të Ukrainës po godasin rafineritë e naftës, cisternat dhe objektivat ushtarake thellë brenda vendit. Kjo po bën që edhe publiku rus të kthehet gjithnjë e më shumë kundër luftës. Pavel paralajmëron se Putin do ta ketë të vështirë të ruajë qetësin në vend. Udhëheqësi çek u bëri thirrje aleatëve të NATO-s të vazhdojnë të ushtrojnë presion mbi Moskën duke armatosur Kievin dhe duke e detyruar Putinin të ulet në tryezën e negociatave.