Top News- Gati bunkerët në Ballkan dhe Evropë!/Vendet e ish-Jugosllavisë mund t’i vënë në funksion

Bunkerët e lënë pas në të shkuarën në vendet e ish-Jugosllavisë dhe vendeve të tjera të Evropës Lindore të ndërtuara kryesisht gjatë Luftës së Ftohtë dhe Luftës së Dytë Botërore janë kthyer në qendër të vëmendjes. Këta bunkerë ishin shndërruar në galeri moderne arti, por vendet e rajonit janë duke menduar t’i kthejnë në funksionin e tyre origjinal për shkak të kërcënimeve të Rusisë për një luftë totake bërthamore. Më i njohuri nga bunkerët nëpër Evropë është ai në zonën malore 60 kilometra larg Sarajevës në Bosnjë, është kështjella e madhe nëntokësore e ndërtuar për të mbrojtur udhëheqësit ushtarakë dhe ata politikë. Në dijeni për këtë bunkër ishin vetëm presidenti jugosllav, katër gjeneralë dhe një numër i vogël ushtarësh. Bunkeri i Konjicit u shndërrua në vitin 2010 në një galeri moderne arti.