Korpusi elitar i Gardës Revolucionare të Iranit (IRGC) ka urdhëruar të gjithë anëtarët të ndalojnë përdorimin e çdo lloj pajisjeje komunikimi pasi mijëra pagera dhe radio të përdorura nga aleatët e saj të Hezbollahut në Liban shpërthyen në sulmet vdekjeprurëse të javës së kaluar, i thanë agjencisë së lajmeve Reuters dy zyrtarë të lartë të sigurisë iraniane. Një nga zyrtarët tha se një operacion në shkallë të gjerë është duke u zhvilluar nga Garda Revolucionarepër të inspektuar të gjitha pajisjet, jo vetëm pajisjet e komunikimit. Ai tha se shumica e këtyre pajisjeve ishin ose të bëra vetë ose të importuara nga Kina dhe Rusia. Irani është i shqetësuar për infiltrimin e agjentëve izraelitë, duke përfshirë iranianët në listën e pagave të Izraelit, dhe një hetim i plotë i personelit tashmë ka filluar, duke patur në shënjestër anëtarët e mesëm dhe të lartë të Gardës Revolucionare.