Ndërtuesit e parqeve fotovoltike duhet të dorëzojnë dokumentacionin e tokës së blerë apo kontratës së qerasë për vendin ku do të kryhen punimet, me qëllim shmangien e abuzimeve. Vendimi i qeverisë, u prezantua nga ministrja e energjisë, Belinda Balluku. Shtohet një nën ku dokumentacioni se ku do ndërtohet impianti do paraqitet që në fazën fillestare që deri më sot nuk ka qenë. Duhet dokumenti ku do ndërtohet parku në tokë të blerë apo me qira. Më herët na ka ndodhur ku aplikimet paraprake janë mbajtur nga sektorët privat dhe pa pasur një plan të vërtetë për ndërtimin. Kjo duhet të marrë fund dhe nuk duhet të bëhen më eksperimente” Balluku u shpreh se agjencisë së efiçencës energjitike do i shtohet një instrument elektronik, rezultatet e të cilit do të ndikojnë në vendimmarrjen për sektorin e energjisë.