Një raketë kineze me tre astronautë në bord, u nis drejt stacionit hapësinor të vendit, në momentin e fundit historik në garën e pekinit për tu bërë një fuqi e madhe në qiell. Pekini ka investuar miliarda dollarë në programin e tij hapësinor në vitet e fundit në një përpjekje për të arritur atë që presidenti Xi Jinping e përshkruan si "ëndrrën hapësinore" të popullit kinez. Ekonomia e dytë më e madhe në botë ka plane të guximshme për të dërguar një mision me ekuipazh në Hënë deri në fund të dekadës dhe përfundimisht, për të ndërtuar një bazë në sipërfaqen e hënës. Nisja të enjten, e misionit Shenzhou-20, synon të transportojë një ekip prej tre astronautësh në stacionin hapësinor të Kinës, Tiangong. Raketa Long March-2F u ngrit në ajër duke lënë pas një shtëllungë flake dhe tymi e cila mbuloi bazën Jiuquan në shkretëtirën e Kinës veriperëndimore, në një mision gjashtë mujor. Drejtues i ekuipazhit më të ri është Chen Dong, 46 vjeç, një ish-pilot luftarak dhe eksplorues veteran i hapësirës, i cili në vitin 2022 u bë astronauti i parë kinez që kaloi më shumë se 200 ditë në orbitë. Dy anëtarët e tjerë të ekuipazhit - ish-piloti i forcave ajrore Chen Zhongrui dhe ish-inxhinieri i teknologjisë hapësinore Ëang Jie, janë në fluturimin e tyre të parë në hapësirë.