Ka përfunduar afati 7-ditor i dorëzimit të kandidaturave për drejtuesin e ri të Policisë së Shtetit dhe procesi tashmë ka hyrë në fazën tjetër, atë të vlerësimit të emrave që kanë shprehur interes. Përzgjedhja e drejtuesit bëhet sipas parashikimeve të nenin 56 të Policisë së Shtetit dhe udhëzimit numër 160 datë 2 shtator 2014 të ministrit të Brendshëm, Ervin Hoxha. Sipas parashikimit të ligjit, kandidati që do t’i propozohet Këshillit të Ministrave nga ministri i Brendshëm në fund të procesit të vlerësimit duhet të ketë shtetësi shqiptare, të mos jetë i dënuar, të mos ketë marrë masa disiplinore në pesë vitet e fundit dhe të mos ketë konflik interesi. Sipas udhëzimit, të ministrit kandidatët në garim duhet të kenë gradën drejtues, ose drejtues i parë dhe të dorëzojnë formularin e dekriminalizimit. Vlerësimi i kandidatëve kryhet sipas pesë kritereve të përcaktuar në udhëzim.