Qeveria e Kubës njoftoi se vendi është goditur nga një ndërprerje mbarëkombëtare e energjisë. Ministria e Energjisë dhe Minierave tha, se ka pasur një "shkëputje të plotë” nga rrjeti elektrik dhe se po hetohen shkaqet. Kuba në fakt ka pësuar ndërprerje të gjata të energjisë elektrike, pasi administrata e presidentit amerikan Donald Trump po bllokon dërgesat e naftës nga Venezuela drejt ishullit. Venezuela ka qenë furnizuesi kryesor i naftës për Kubën. Operacioni i SHBA-së për arrestimin e presidentit venezuelian Nicolás Maduro në janar ishte një goditje e rëndë për qeverinë kubaneze. Që atëherë, Trump ka mbështetur presidenten në detyrë Delcy Rodríguez dhe furnizimet me naftë drejt Kubës janë ndalur. Përveç kësaj, Trump është zotuar të vendosë tarifa ndaj vendeve që i shesin naftë Kubës. Meksika dhe Rusia janë dy nga furnizuesit e tjerë të naftës për Kubën.