Sali Berisha mbrojti skualifikimin nga gara të dy kandidatëve të vetëm që u regjistruan në garën kundër tij për kryetar të Partisë Demokratike. Kryedemokrati foli gjatë një takimi me bazën e partisë në Dibër. Për skualifikimin e Vladimir Mulës dhe të Mereme Selës dha dy arsyetime të ndryshme. Për të parin tha se nuk punonte për Partinë Demokratike, ndërsa të dytës tha se i mungonte profili i lartë politike. Berisha - Po marrim rastin e Meremes, se ata të tjerët nuk janë në PD fare… Meremja është në PD, ka bërë një garë dhe ka marrë 43 vota, bravo i i qoftë që bëri garë në qarkun e Durrësit. Për të kandiduar Meremja që të drejtojë ty dhe demokratët, duhet të ketë disa prova të tjera sepse bëhet gara qesharake dhe një garë e tillë nuk të nderon” Berisha është i vetmi kandidat në garën për kryetar të Partisë Demokratike, ku anëtarësia e saj do të votojë më 23 maj pa alternativë tjetër.