Bregdeti i Darëzezës është kthyer këtë të diel në një pistë garash me kuaj. 16 kalorës nga Shqipëria, Lugina e Preshevës dhe Kosova morën pjesë në këtë aktivitet të organizuar në kuadër të festimeve të 28–29 Nëntorit. Sipas organizatorit Indrit Plangaj, garuesit konkurruan në tre gara shpejtësie, në distanca prej 2 dhe 3 kilometrash. Aktiviteti u ndoq nga dhjetëra qytetarë të moshave të ndryshme, të cilët krijuan një atmosferë festive përgjatë vijës bregdetare. Në përfundim, u shpallën fituesit e tre garave. kalorësi fitues Eduart Cinga u shpreh i emocionuar dhe u bëri thirrje të gjithë të apasionuarve pas hipizmit t’i bashkohen këtij sporti që po fiton gjithnjë e më shumë mbështetje. Sinkron Cinga Vija bregdetare e Darëzezës është shndërruar shpesh në skenë të aktiviteteve sportive, duke afruar komunitetin me sporte tradicionale dhe moderne.