Disa nga futbollistët e ekipit Kombëtar të Kosovës iu bashkuan nismës së mbjelljes së pemëve nga bashkia e Tiranës. Futbollistët zgjodhën kopshtin “Nexhmije Pagarusha” në Liqenin Artificial të Tiranës për të mbjelle fidanët e rinj, i cili e ka marrë këtë emër në nder të mbretëreshës së muzikës shqiptare. “Është një bekim shumë i madh sot! Jam me vëllezërit e ekipit të Kosovës, në një cep të parkut të Tiranës, që i është dedikuar të madhes Nexhmije Pagarusha. Ajo, edhe në ditët e fundit të jetës, - si dikush që është nderuar, është respektuar, është vlerësuar në Tiranë, - e kishte lënë amanet ta vazhdonim mbjelljen e pemëve. Fatkeqësisht, nuk arriti ta mposhtte atë sëmundje dhe të ishte vetë këtu, por bashke me Sabri Fejzullahun dhe të gjithë këngëtarët e Kosovës, projektuam dhe mbollëm këtë kopësht brenda parkut, të cilin e emërtuam ‘Nexhmije Pagarusha” Kryebashkiaku tha se tani që futbollistët lanë shenjën e tyre në Tiranë, kanë edhe një arsye më tepër për ta vizituar atë. “Shpresoj që secili prej lojtarëve, pavarësisht se ku shkon në jetë, e di që i ka një palë rrënjë në Tiranë, jo vetëm si metaforë, por edhe si një objekt fizik. Tani keni një arsye më shumë për të vizituar Tiranën dhe për të parë si është rritur pema që keni mbjellë vetë,” Ndërsa futbollisti i kombëtares së Kosovës Amir Rrahmani tha se ai dhe shogët e tij ishin të lumtur që iu bashkuan kësj nisme të bashkisë së tiranës.