Një i burgosur në Itali mendohet se ka përdorur një dron për të futur një armë në burg, me të cilën më pas qëlloi një të burgosur tjetër. 28 vjecari, që ka lidhje me Kamorrën në Napoli, qëlloi me tre plumba të burgosurit e tjerë përmes hekurave të qëlisë së tij – thanë zyrtarët. Nuk pati fatmirësisht asnjë viktimë në këtë incident. Ngjarja ndodhi në burgun Frosinone të sigurisë së lartë, rreth 100 km në juglindje të kryeqytetit Romë. Besohet se i burgosuri kishte qëlluar me armë të dënuarit me të cilët ai kishte patur më herët një përplasje. “Ai kërcënoi një rojë duke i kërkuar atij ti jepte celësat e qelisë”, thanë zyrtarët e burgut. “Dhe roja e kërcënuar ia dha celësat por fatmirësisht i burgosuri nuk arriti të hapte derën”. 28 vjecari kishte futur në burg në mënyrë klandestine edhe një telefon celular për të kontaktuar me avokatin e tij para se tia dorëzonte atë autoriteteve. Ai dorëzoi armën dhe telefonin por më parë kishte hequr kartën sim prej tij dhe e kishte gëlltitur. Zyrtarët thonë se mendojnë se arma ishte futur në burg me dron, por nuk mund ta konfirmojnë përfundimisht tezën. Incidenti, ishte më i fundit në një seri rastesh që kanë shtuar shqetësimet për menaxhimin e dobët të burgjeve të tej mbushur në itali. Vendi ka burgjet më të populluara në bashkimin evropian, me 120 të burgosur për 100 vende, krahsuar me 115 në francë dhe 70.8 në spanjë. Në qershor, mediat italiane publikuan imazhet e rojave në burg që rrihnin të burgosurit me shkopa gome, shkelma e grushta, në prill 2020, si reagim ndaj protestave gjatë pandemisë së covid 19-ës.