Organizata Botërore e Shëndetësisë (OBSH) thotë se vaksinat kundër poliomielitit të fëmijëve në Gazën qendrore kanë "tejkaluar objektivin" në dy ditët e para të fushatës së saj të imunizimit. OBSH, tha se 161,030 fëmijë nën moshën 10 vjeç u vaksinuan të dielën dhe të hënën. Izraeli dhe Hamasi ranë dakord për një sërë pauzash të lokalizuara në luftime për të lejuar punonjësit e shëndetësisë të administrojnë vaksinat pasi rasti i parë i konfirmuar i poliomielitit në Gaza në 25 vjet la të paralizuar pjesërisht një fëmijë 10 muajsh muajin e kaluar . Pauzat hyjnë në fuqi midis orës 06:00 dhe 15:00 me orën lokale në tre faza të veçanta në pjesët qendrore, jugore dhe veriore të Gazës. "Ne duhet të mbulojmë një minimum prej 90% të atyre fëmijëve për të ndaluar transmetimin brenda Gazës dhe për të shmangur përhapjen e poliomielitit, përhapjen ndërkombëtare të poliomielitit në vendet përreth," thanë përfaqësues të OBSH për BBC. Poliovirusi, I cili përhapet përmes ujërave të zeza dhe ujërave të ndotura, është shumë infektues. Mund të shkaktojë shpërfytyrim dhe paralizë, dhe është potencialisht fatalë oër jetën. Kryesisht prek fëmijët nën moshën pesë vjeç.