Drejtuesi Politik i Koalicionit Euroatlantik, Lulzim Basha, Lulzim Basha, zhvilloi një takim me përfaqësues të profesioneve të lira në tiranë, ku theksoi se korrupsioni është problemi më i madh që pengon zhvillimin ekonomik dhe rrugën e Shqipërisë drejt Bashkimit Europian. Angazhimi ynë kryesor në raport me shoqërinë por që prek drejtpërdrejtë interesat tuaja si shtresë e mesme është që SPAK-ut t’i japim edhe më shumë fuqi. Si? Më shumë financa, më shumë burime njerëzore, infrastrukturë më të mirë ligjore në mënyrë që problemi numër 1 i Shqipërisë, korrupsioni që është pengesa kryesore për zhvillimin ekonomik për integrimin europian, të marrë goditje sa më vdekjeprurëse. Pa i shkuar deri në fund kësaj asgjë s’ka për t’u zgjidhur Edhe Koalicioni Djathtas për zhvillim vijon takimet, ku kreu I saj Dashamir Shehu, kërkoi votë për ndryshim. Po votuat të njëjtët njerëz që i keni votuar 30 vite, do të vazhdoni akoma edhe 30 vite të tjera po me këtë lloj historie. Ne gjykojmë që ndryshimi vjen nga njerëzit dhe kandidatët që ne kemi vënë janë të rinj, të papërlyer, nuk kanë historitë e 2 palëve të tjera, që hyjnë e dalin nëpër burgje. Ne kemi njerëz të thjeshtë, të shkolluar e punëtor” Shehaj nga Korça, deklaroi se është partia e 3 në vend Ndërkohë Lëvizja Bashkë e Arlind Qorit u ndal në Kavajë e Rrogozhinë, nga ku nuk munguan akuzat ndaj partive të vjetra politike. “Gjatë këtyre takimeve hasëm edhe qytetarë të keqinformuar, të frikësuar ose të shantazhuar nga partitë e mëdha”, thuhet në postimin e Lëvizja Bashkë. Koalicioni Nisma Shqipëria Bëhet është ndalur në Tiranë, ku janë zhvilluar dy takime, përkatësisht në zonën e Shkozës dhe Freskut. Gjatë këtyre takimeve është shpalosur programi I këtij koalicioni, që nga ai për arsimin, bujqësinë, ekonomikë dhe sesi mund të bëhet Shqipëria.