Top News/ Furi ukrainase mbi tokë ruse, 66 dronë / Sulmohet aeroporti ushtarak dhe dy rafineri nafte

Një rafineri ruse e naftës ka pezulluar funksionimin pasi u dëmtua në një sulm të dyshuar me dron ukrainas, tha agjencia ruse e lajmeve TASS. Një zjarr i madh shpërtheu në rafinerinë e naftës në Slavyansk në rajonin e Krasnoyarskut pasi u godit nga 10 dronë ukrainas, citohet të ketë thënë drejtori i sigurisë së ECO Group, në Slavyansk. Zi shtoi se mund të ketë edhe dëme të fshehta, kështu që "puna e uzinës është pezulluar pjesërisht". Më herët gjatë ditës, Roman Siniagovskyi, kreu i qarkut administrativ Slavyansk tha se zinxhiri i distilimit ishte dëmtuar gjatë sulmit të supozuar. Ministria ruse e Mbrojtjes deklaroi se njësitë e saj të mbrojtjes ajrore kishin rrëzuar 66 dronë ukrainas mbi rajonin Krasnoyarsk dhe dy të tjerë mbi Gadishullin e Krimesë. Një burim nga Shërbimi i Sigurisë së Ukrainës konfirmoi se dronët ukrainas kishin goditur rafineritë e naftës Slavyansk dhe Ilsky dhe kishin shkaktuar zjarre në objekte. Burimi tha se dronët synuan gjithashtu edhe aeroportin ushtarak të Rusisë, Kushchevsk në të njëjtin rajon.