Forcat ruse kryen sulmin e tyre më të madh ndonjëherë me dron në Ukrainë gjatë natës, duke ndërprerë energjinë në pjesën më të madhe të rajonit perëndimor të Ternopilit dhe duke dëmtuar ndërtesat e banimit në rajonin e Kievit, thanë zyrtarët e Ukrainës të martën. Nga 188 dronë të përdorur gjatë natës, Ukraina rrëzoi 76 dhe humbi gjurmët e 96 të tjerëve, me gjasë për shkak të luftës aktive elektronike, thanë forcat ajrore. Pesë drone ndërkohë përfunduan në bjellorusi. "Armiku lëshoi një numër rekord dronësh sulmues Shahed dhe dronësh të tjerë të paidentifikuar ...," thanë forcat ajrore. Rusia përdor dronët "vetëvrasës" të prodhuar me çmim të ulët dhe dronët "mashtrues”, po ahstu me kosto të ulët, të cilët angazhojnë mbrojtjen ajrore të Ukrainës. "Fatkeqësisht, pati goditje në objektet kritike të infrastrukturës dhe ndërtesa private e apartamente u dëmtuan në disa rajone për shkak të sulmit masiv me dronë," thuhej në deklaratën e forcave ajrore ku edhe shtohej se nuk kishte viktima. Sulmi dëmtoi rrjetin elektrik në Ternopil, një qytet i madh në Ukrainën perëndimore dhe ndërpreu energjinë në rreth 70% të rajonit, tha guvernatori Vyacheslav Nehoda në televizionin kombëtar.