Pas 3 dekadash në pushtet në Mal të Zi, Milo Gjukanoviç është drejt largimit. Rezultatet paraprake në zgjedhjet presidenciale të mbajtura këtë të diel tregojnë se presidenti aktual ka pësuar një humbje të thellë. Sipas këtyre rezultateve, kandidati opozitar Jakov Milatoviç ka fituar me rreth 60 për qind të votave, ndërsa Gjukanoviç ka mbledhur 40 për qind të tjera. Rezultati është kur janë numëruar gati 90 për qind e fletëve, çka do të thotë se 10 për qindëshi i mbetur nuk ndikon në përmbysjen e rezultatit. Pjesëmarrja në këto zgjedhje ishte rreth 71 për qind. Gjukanoviç ka udhëhequr Malin e Zi që prej fillimit të viteve ’90 dhe ishte njeriu që organizoi referendumi dhe e shkëputi vendin nga Serbia. Fushatën aktuale ai e zhvilloi me retorikën antiserbe dhe kërcënimin e vazhdueshëm, që sipas tij, Beogradi paraqet për vendin. Ndërkohë, Jakov Milatoviç e përqëndroi fushatën te nevoja për ndryshim për t’i dhënë vendit një tjetër shtysë drejt integrimit në BE, por edhe për normalizim të marrëdhënieve me Serbinëm