Për dekada, fuqia ushtarake e SHBA-së ka qenë e pasfiduar. Pas kolapsit të Bashkimit Sovjetik në 1991, SHBA ishte e vetmja superfuqi ushtarake në botë, me forcat e saj të dislokuara kudo për të mbrojtur aleatët dhe për të zbrapsur agresionin. Por ndërsa 2023 po përfundon, konfliktet po ndizen në të gjithë botën dhe rusia e kina po rriten në mënyrë agresive në ambicjet e tyre të përbashkëta për të rrëzuar SHBA-në nga Froni i fuqisë më të madhe në botë. Liderët autoritarë Xi Jinping dhe Vladimir Putin, po kërkojnë të shfrytëzojnë destabilitetin global për të dëmtuar SHBA dhe aleatët e saj, thonë analistët, ndërkohë që po afrohen gjithnjë e më shumë tek krijimi i një aleance ushtarake që përbën edhe rrezikun më të madh me të cilin SHBA është përballur në dekada. “Është e qartë se të dyja vendet e shohin veten si partnere ushtarake dhe se ky partneritet po rritet gjithnjë e më shumë, edhe pse nuk është një aleancë formale në kuptimin perëndimor”, thotë Xhonatan Uard, CEO i grupit Atlas. Në konfliktet nëpër botë, rivaliteti mes SHBA-së dhe Rusisë e Kinës, po shihet qartë tashmë. Kina i ka siguruar rusisë mbështetjen jetësore ekonomike dhe diplomatike në pushtimin e saj të ukrainës, ndërsa SHBA i ka dhënë miliarda dollarë ndihma Kievit. Në lindjen e mesme, Rusia dhe Kina janë renditur krah Iranit dhe kanë kritikuar sulmet e Izraelit mbi Gaza. SHBA ndërkohë i ka siguruar ndihma ushtarake dhe diplomatike Izraelit. Kina, thonë ekspertët, me gjasë po ndjek rezultatet e luftës në ukrainë me kujdes për të parë shenjë se si bota do të reagojë nëse ajo do të ndërmarrë hapa në Tajvan. E ndërsa afrohen gjithnjë e më shumë, Kina dhe Rusia po koordinojnë edhe burimet e tyre ushtarake. Vitet e shkuara, rusia dhe kina kanë kryer stërvitje të përbashkëta në detin e japonisë, Rusia i ka dhënë kinës teknologjinë e nëndetëseve dhe liderët kanë premtuar se do të bashkëpunojnë për zhvillimin e armëve të teknologjisë së lartë. Rusia po ahstu i ka shitur kinës avionë luftarakë, helikopterë ushtarakë dhe sisteme të mbrojetjes ajrore S-400.