Nga siria, erdhi këtë mëngjes lajmi i rënies së regjimit të presidentit Bashar Al Assad dhe marrjes së kontrollit të damaskut nga rebelët. Dhe reagimet nxituan të vinin nga e gjithë bota. Shtëpia e bardhë njoftoi se presidenti Biden dhe ekipi i tij po monitorojnë nga afër ngjarjet e jashtëzakonshme në Siri dhe po qëndrojnë në kontakt të vazhdueshëm me partnerët rajonalë. Edhe presidenti i zgjedhur Donald Trump reagoi duke thënë se Asadi është zhdukur dhe mbrojtësi i tij, Putini, nuk ishte i interesuar ta mbronte më atë. Ministri i jashtëm turk, Hakkan Fidan tha se siria tani është në një fazë ku vetë populli sirian do të formësojë të ardhmen e vendit. Sot në siri ka shpresë – tha ai duke shtuar se turqia do të mbështesë popullin sirian. Ai gjithashtu u bëri thirrje të gjithë aktorëve të veprojnë me maturi dhe të jenë vigjilentë. Organizatat terroriste nuk duhet të lejohen të përfitojnë nga kjo situatë. Ne do të punojmë për stabilitet dhe siguri në Siri – tha Fidan.