Fundi I krizës pothuajse dyvjeçare politike në Kosovë, pritet të marrë fund më 9 shtator, kur pritet të mbahet vazhdimi I seancës konstituive të Kuvendit të Kosovës, në përpjekje për t’i formuar institucionet e reja të vendit pas zgjedhjeve të qershorit. PËrmes një postimi në rrjete sociale, kryesuesi I seancës, Avni Dehari, ka njoftuar që seanca e mbetur në proces muajin e kaluar, të vazhdojë më 9 shtator, në orën 11:00. Dehari sqaron se e mori këtë vendim pas arritjes së marrëveshjes politike mes Lëvizjes Vetëvendosje të kryeministrit në detyrë, Albin Kurti, dhe Lidhjes Demokratike të Kosovës në opozitë, për kandidatin për president të Kosovës. Ai tha se ka vendosur për mbajtjen e seancës më 9 shtator edhe pse nuk ka një qartësi të plotë për numrin e nevojshëm të deputetëve për konstituimin e të gjitha institucioneve,