Presidenti i ukrainës, Volodimir Zelenski i ka kërkuar të huajve ti bashkohen ushtrisë ukrainase, pavarësisht shqetësimeve se luftëtarët e huaj mund të shkaktojnë një konflikt më të gjerë me Rusinë. Duke nisur nga kjo javë, të huajt dhe personat pa shtetësi, përfshirë shtetasit amerikanë, mund ti bashkohen direkt rojës kombëtare ukrainase, njoftoi presidenti. Qytetarët e huaj, që jetojnë ligjërisht në ukrainë, janë të përzgjedhshëm nëse duan të bashkohen vullnetarisht. Zelenski i kërkoi luftëtarëve të huaj ti bashkohen ukrainës që kur ushtria e putinit pushtoi vendin në shkurt 2022. Luftëtarët e huaj më herët janë ofruar si pjesë e legjionit ndërkombëtar i cili u krijua vetëm pak ditë pasi pushtimi i ukrainës nisi. Që atëherë, mendohet se rreth 20 mijë luftëtarë të huaj shërbejnë në legjionin e huaj të ukrainës, megjithatë numri i saktë nuk dihet. Rreth dy vite pasi lufta nisi, Ukraina është e dëshpëruar që më shumë trupa ti bashkohen ushtrisë në mënyrë që të vazhdojë rezistencën ndaj rusisë. Kushdo që do ti bashkohet mbrojtjes së ukrainës, nga evropa dhe bota, mund të vijë dhe të luftojë në krahun tonë – kishte thënë zelenski në 2022. Ai tentoi të rekrutonte 500 mijë trupa shtesë në dhjetor, para se të miratonte një ligj të ri që e ulte moshën e rekrutimit nga 27 në 25 vjec. Vullnetarët sidoqoftë duhet të plotësojnë disa kritere me qëllim që të lejohen të luftojnë, si edhe të kalojnë testet mjekësore dhe ato të përgatitjes fizike.