Një komandant i Hamasit u vra në një kamp refugjatësh në veri të Libanit gjatë një sulmi të ndërmarrë nga ushtria izraelite. Lajmin e bëri të ditur grupi militant i cili është shpallur organizatë terroriste nga Shtetet e Bashkuara të Amerikës dhe Bashkimi Evropian. “Saeed Attallah Ali, gruaja e tij dhe dy vajzat e tyre u vranë “nga bombardimet e zionistëve [Izraeli] në shtëpinë e tyre në kampin Bedavi”, afër qytetit Tripoli, u tha në njoftim. Kjo është hera e parë që Izraei ndërmer ofensivë ushtarake në këtë zonë që nga nisja e luftës në Gaza. Deri më tani sipas Radio Evropa e Lirëm të paktnë 18 anëtarë të grupit militant Hamas janë vrarë në Liban. Në gusht, gjatë një sulmi ajror izraelit në Sidon, në jug të Libanit, u vra komandanti i Hamasit, Samer al-Hajj. Kurse, në një sulm në janar, që zyrtarët amerikanë të mbrojtjes thanë se u krye nga Izraeli, u vra zëvendësshefi i Hamasit, Saleh al-Aruri, dhe gjashtë radikalë të tjerë palestinezë në jug të Bejrutit. Në Liban janë dhjetëra kampe të refugjatëve palestinezë që ishin krijuar për të strehuar palestinezët që u larguan gjatë luftës së vitit 1948, rreth kohës kur u krijua Izraeli.