Klajdi Haka ka rënë në prangat e policisë, pasi akuzohet se ka fshehur në banesën e tij të ashtuquajturin ‘i forti’ i Niklës Marklen Hakën. Arrestimi i tij u bë në kuadër të operacionit policor të koduar “Liqeni i Bacungut”. Gjatë kontrollit të banesës së tij, ku fshihej Marklen Haka, është gjetur dhe sekuestruar, në cilësinë e provës materiale, një armë zjarri pistoletë. Klajdi Haka akuzohet për veprat mbajtja pa leje dhe prodhimi i armëve, dhe përkrahja e autorit të krimit. Markeln Haka ra në prangat e RENEA-s të premten e 6 shtatorit. Ai u arrestuar afër të Liqenit të Bacungut në Nikël të Krujës, pasi një operacioni intensiv që nisi më 2 shtator. Marklen Haka i njohur ndryshe si Marklen Aliu ishte në kërkim ndërkombëtar pasi Gjykata e Posaçme Antikorrupsion ka caktuar ndaj tij masën e sigurisë arrest me burg në mungesë për veprat penale vrasja me paramendim, e mbetur në tentativë ndaj Durim Bamit.