Policia Kufitare e Durrësit ka goditur një rast të mosdeklarimit të parave në Port, duke vënë në pranga shoferin e një furgoni. I arrestuari është identifikuar Nuri Alushi, 53-vjecc, I cili I kishte fshehur paratë brenda automjetit tip furgon të linjës Vlorë-Itali që drejtonte, me qëllim me qëllim shmangien e deklarimit në doganë. Gjatë kontrollit të ushtruar në furgon, në pjesën e tapicerisë, shërbimet e Policisë, duke përdorur metodat bashkëkohore të kontrollit, gjetën dhe sekuestruan në cilësinë e provës materiale: 44 000 euro, sasi e konsiderueshme pesticidesh, medikamente mjekësore dhe pije, të cilat shoferi tentoi t’i kalonte pa i deklaruar konform ligjeve në fuqi. Në përfundim të veprimeve procedurale, u arrestua në flagrance Nuri Alushi, banues në Vlorë, për veprat penale “Mosdeklarimi në kufi i të hollave dhe i sendeve me vlerë”, "Kontrabanda me mallra që paguhet akcizë" dhe "Kontrabanda me mallra të licencuar". Materialet procedurale i kaluan Prokurorisë pranë Gjykatës së Shkallës së Parë Durrës, për veprime të mëtejshme.