Frutat dhe perimet, konsiderohen të rëndësishme për një jetë të shëndetshme. Por, përtej pamjes të freskët, sa të sigurta janë produktet që konsumojmë dhe sa të informuar janë qytetarët e kosovës për këtë vështje. Ushtruesi i detyrës së shefit të Inspektoratit Fitosanitar nga Agjencia e ushqimit dhe veterinarisë, Burim Ahmeti thotë për KosovaPress, se mbrojtja e shëndetit të konsumatorëve është prioritet ndërsa kontrollet kryhen përgjatë gjithë zinxhirit të furnizimit. Nga tregu te laboratori: AUV shpjegon kontrollet për produktet bimore “...Agjencia e Ushqimit dhe Veterinarisë zbaton kontrolle zyrtare në produktet me origjinë bimore, përgjatë zinxhirit të furnizimit, duke përfshirë produktet vendore dhe ato të importit. Këto kontrollohen, domethënë, në bazë të legjislacionit në fuqi, planet zyrtare të kontrollit, monitorimit, analizën e rrezikut, marrjen e mostrave dhe testimin e mostrave në laboratorët e akredituar