Departamenti i anti drogës së janinës ka sekuestruar sasinë prej 48 kg kanabis në vendin e quajtur Kalpaqi në aksin rrugor që lidh kakavijën me janinën. Sipas policisë greke,në pranga ka rënë pronari i automjetit që po transportohej droga,një shtetas shqiptar identiteti i të cilit për momentin nuk bëhet publik. Mësohet se droga ishte vendosur në 50 pako të cilat ishin fshehur në tapecarinë e automjetit i cili kishte kaluar pak më herët në doganën e kakavijës. Autoritetet helen thonë se lënda narkotike do të dërgohej në Athinë. Trafikantit iu sekuestrua një telefon dhe sasia prej 300 euro kash. Ai do të dërgohet në gjykatë për masë sigurie. Ndërkohë autoritet helene kanë vënë alarmin për nivelin e lartë të krimit ndërkufitar në kufirin mes dy vendeve,si në zonën d kakavijës,edhe në zonën e kapshticës. Mësohet se në bashkëpunim me frontex dhe policinë shqiptare këmbehet informacion i shpejtë për parandalimin e trafikut të narkotikëve dhe klandestinëve.