SHBA-ja u bëri thirrje Bullgarisë dhe Maqedonisë së Veriut të ulin retorikën dhe të zgjidhin sa më shpejtë mosmarrëveshjet, pas kërcënimeve se Sofja mund të vërë sërish veton për anëtarësimin e Shkupit në BE, duke penguar për pasojë edhe Tiranën. Duke komentuar vendimin e Bullgarisë për të tërhequr ambasadorin nga Shkupi, DASH thotë se ardhmja e Maqedonisë së Veriut është në BE. “SHBA-ja vazhdon ta mbështesë integrimin e plotë euroatlantik të vendit”, thuhet në deklaratën e Departamentit amerikan i Shtetit. Bullgaria tërhoqi ambasadorin e sajk javën e kaluar pas sulmit të sekretarit të klubit bullgar “Borisi i Tretë” në Ohër.