Bota nuk gjen qetësi kur bëhet fjalë për luftërat, të cilat kanë shpërthyer në qoshe të ndryshme të saj. Pas konfliktit Rusi-Ukrainë e atij Izrael-Palestinë, frika është shtuar edhe për Gadishullin Korean. Korea e Veriut, vijon provokimet, teksa së fundmi Jugu është gjendur nën frikën e një sulmi të mundshëm. Bëhet fjalë për një test të madh të raketave balistike. Raketat janë testuar në brigjet e saj lindore teksa alarmin e kanë ngritur burime pranë qeverisë së Seulit. Sipas tyre reagimi i Phenianit vjen një ditë pasi Seuli dhe Washingtoni zhvilluan stërvitje të përbashkëta me avionë luftarak. Shefai i Shtabit i Koresë së Jugut e dënoi lëshimin e raketave si një provokim. Ushtaraku i lartë koreano-jugor tha se raketat me rreze të shkurtër veprimi fluturuan për rreh 300 km përpara se të uleshin në det.