Të dhënat aktuale sugjerojnë se fluturimet komerciale po vazhdojnë të shmangin hapësirën ajrore mbi Iranin, Irakun, Sirinë, Jordaninë dhe Libanin. Aeroportet në rajon po paralajmërojnë për ndërprerje të mundshme, por shumica e fluturimeve duket se po operojnë sipas një plani të hartuar provizorisht. Më shumë se 120 fluturime janë vonuar në aeroportin e Dubait, me disa të tjera të anuluara, ndërsa më shumë se 40% e të gjitha fluturimeve janë anuluar në Aeroportin Ndërkombëtar Queen Alia të Jordanisë, në kryeqytetin Aman. United Airlines ka pezulluar fluturimet për në Dubai deri më 3 korrik dhe për në Tel Aviv deri më 1 gusht. Gjatë fundjavës, British Airëays pezulloi fluturimet për në Dubai dhe kryeqytetin e Katarit, Doha, deri të martën. Por në një përditësim, linja ajrore tha: “Fluturimet tona për në Dubai dhe Doha janë planifikuar të operojnë normalisht dhe ekipet tona vazhdojnë ta mbajnë situatën nën vëzhgim.”