Paralajmërimet nga Shtetet e Bashkuara të Amerikës dhe Aleanca e Atlantikut të Veriut NATO, për kërcënim të sigurisë në rajonin e Ballkanit nga Rusia dhe në mënyrë të veçantë në Kosovë, ka bërë që Sllovenia të marrë masa shtesë. Mësohet se Sllovenia do të dyfishojë praninë e trupave ushtarake në Kosovë, si pjesë e misionit të KFOR. Njoftimin e dhe kryeministri i Sllovenisë Robert Golob, në fund të samitit të NATO-s në Uashington. Ai sqaroi se prezenca e Aleancës në Ballkanin Perëndimor po shtohet me iniciativë të presidentit Joe Biden, i cili siç tha, e njeh mirë rajonin. Sllovenia shërben me 110 trupa në KFOR në Kosovë, por tashmë kjo shifër do të dyfishohet. Sipas presidentit slloven, trupat shtesë po dërgohen për të parandaluar konflikte të reja në rajonin tradicionalisht të trazuar. Ndërkohë paralajmërimet për përplasje të mundshme mes Serbisë e Kosovës, kanë bërë që të rriten thirrjet nga ndërkombëtarët, që Prishtina e Beogradi të angashohen në dialog, për gjetjen e një zgjidhje politike. Misioni paqeruajtës i NATO-s në Kosovë ka shtuar kapacitetet e veta, duke rritur numrin e ushtarëve nga 3700 në 4600 paqeruajtës. Po ashtu kanë katërfishuar praninë e tyre në pjesën veriore të Kosovës dhe kanë trefishuar patrullimet përgjatë vijës kufitare mes Kosovës dhe Serbisë, në përmbushje të misionit të tyre.