Pesë persona janë arrestuar në Gjermani, të dyshuar për përfshirje në një komplot për të përplasur një automjet mbi njerëzit në një treg Krishtlindjesh. Tre marokenë, një egjiptian dhe një sirian u arrestuan të premten për planin për të goditur një treg në landin jugor bavarez. Autoritetet thanë se dyshonin për një "motiv islamist". Prokurorët thanë se egjiptiani, një 56-vjeçar, dyshohet se "ka bërë thirrje për një sulm me qëllim vrasjen ose plagosjen e sa më shumë njerëzve". Marokenët dyshohet se kanë pranuar të kryejnë sulmin. Zyrtarët në Gjermani kanë qenë në gatishmëri të lartë pas sulmeve të mëparshme në tregjet e Krishtlindjeve, përfshirë atë në Magdeburg, dhjetorin e kaluar ku u vranë gjashtë persona. Autoritetet nuk thanë se kur duhej të ndodhte sulmi i planifikuar ose cili treg ishte vënë në shënjestër, megjithëse përmendën një zonë në verilindje të Mynihut.