Tetë persona, përfshirë katër fëmijë, u plagosën pas të shtënave me armë zjarri në Brooklyn, në Neë York, në mbrëmje vonë, ndërsa qyteti po festonte Ditën e Pavarësisë të Shteteve të Bashkuara të Amerikës. Sipas burimeve të Departamentit të Policisë së Neë York-ut, oficerët reaguan në orën 22:37 pas një raporti për të shtëna me armë. Rrethanat e incidentit janë ende të paqarta, por oficerët gjetën një armë zjarri në vendngjarje. Hetimi është duke vazhduar dhe policia po kërkon autorin e krimit. Mes viktimave, identitetet e të cilave nuk janë bërë të ditura, janë një burrë 33-vjeçar dhe një grua 21-vjeçare që u qëlluan në gjoks; një grua 25-vjeçare, një djalë 14-vjeçar, një djalë 12-vjeçar dhe një djalë tjetër 7-vjeçar që u qëlluan në gjymtyrë. Një burrë 37-vjeçar u qëllua gjithashtu në shpatull, ndërsa një djalë 6-vjeç u qëllua në stomak. Shtatë nga viktimat janë në gjendje të qëndrueshme, ndërsa gruaja 21-vjeçare është në gjendje kritike. Të plagosurit u dërguan në spital për trajtim. Policia tha se gjeti një armë zjarri në vendngjarje, por nuk ka bërë asnjë arrestim.