‘Kievi ka të drejtë t’i sulmojë vendet nga të cilat sulmohet’, kështu ka deklaruar shefi i politikës së jashtme të Bashkimit Evropian, Josep Borrell gjatë një takimi jo zyrtar jozyrtar të ministrave të Mbrojtjes të BE-së në Bruksel. Borelli u bëri thirrje aleatëve perëndimorë të Ukrainës që t’i heqin kufizimet në përdorimin e armëve. Diplomati i cilësoi si ‘absurde’ sulmet në territorin e Rusisë, se nënkuptonin luftë direkte kundër Moskës, pasi sipas tij askush nuk dëshiron një luftë direkte kundër Moskës. “Vendoseni veten në vendin e ukrainasve: Rusët po ju bombardojnë nga një vend ku nuk mund të arrini. Ju dëshironi të luftoni si të barabartë”, tha Borell, ndërsa shtoi se për ta bërë këtë, Ukraina duhet të jetë në gjendje t’i godasë vendet nga ku Rusia e sulmon. Prej kohësh presidenti Volodymyr Zelensky, u ka bërë thirrje aleatëve globalë të Ukrainës që ta lejojnë atë t’i godasë objektivat ushtarake më thellë brenda Rusisë, me armët që ia siguron Perëndimi. Pas inkursionit të Kievit në Kursk, Moska është përgjigjur me sulme të ashpra me raketa dhe dronë, të cilat kanë pasur në shënjestër infrastrukturën civile në të gjithë Ukrainën.