Bashkimi Europian po përgatitet të mbajë stërvitje të përbashkëta detare vjetore brenda kornizës së anëtarësimit dhe të forcojë mbikëqyrjen ushtarake dhe rojet bregdetare. Kështu bën me dije Komisioneri Europian për Mjedisin, Virginius Sinkevicius, I cili thotë se ky reagim vjen për shkak të aktiviteteve të anijeve zbuluese ruse në det dhe mbrojtjes së infrastrukturës detare. "Pas asaj që ndodhi me Nord Stream, na duhet të forcojmë monitorimin dhe mbrojtjen e infrastrukturës detare dhe anijeve, kundër kërcënimeve fizike dhe kibernetike," tha Sinkevičius. Shumë shpejt pritet do të publikohet strategjia e përditësuar detare, e cila do të përfshijë edhe masat e reja përforcuese. Plani përfshin edhe propozime për t'u marrë me municionet dhe minat e pashpërthyera në det.