Fredi Beleri la qelinë këtë të hënë për t’u nisur drejt Strasburgut për t’u betuar si eurodeputet. Pasmiratimit të lejës, ai la ambientet e burgut të Fierit ku u prit nga familjarët e tij dhe një makinë e ambasadës greke dhe u nis drejt aeroportit. Beleri tha për mediat greke se do të udhëtojë fillimisht drejt Athinës e më pas drejt Strasburgut. Leja Belerit i është aprovuar nga data 15 deri më 20 korrik. Beleri I cili u shpall fitues nën siglën e partisë Demokracia e Re, pas betimit do të rikthehet sërish në burgun e Fierit për të vazhduar kryerjen e dënimit të dhënë nga ana e Gjykatës së Posaçme Antikorrupsion. Dënim që i përfundon në muajin tetor. Gjatë qëndrimit në Strasburg, Beleri do të duhet të raportojë çdo ditë në orën 14:00 komisariatin e Himarës vendqëndrimin e tij. Në rast se ai nuk do ta përmbush këtë gjë atëherë do të ndëshkohet sipas Kodit Penal. Ish-kandidati i koalicionit “Bashkë fitojmë” që u shpall fitues në zgjedhjet vendore për bashkinë e Himarës, u arrestua pasi u kap duke blerë vota. Dënimi i tij shkaktoi tensione të shumta mes Tiranës dhe Athinës zyrtare.