Asambleja Kombëtare e francës do të votojë të mërkurën për dy mocionet e mosbesimit që janë dorëzuar tashmë dhe gjasat janë që qeveria do të bjerë. Kryeministri francez Mishel Barnier premtoi të hënën se do të kalonte në procedurë buxhetin, një hap ky që shtyu opozitën të paraqesë një mocion votëbesimi kundër qeverisë së tij të pakicës. Barnier tha se do të shfrytëzonte nenin 49/3 të Kushtetutës franceze për të kaluar buxhetin pa votim pas dështimit për të siguruar mbështetje nga opozita e ekstremit të djathtë me një lëshim të minutës së fundit. "Franca ka nevojë për një buxhet për vitin 2025”, i tha Barnier asamblesë dhe u kërkoi më pas deputetëve të mos mbështesin votimin e mundshëm pasues kundër qeverisë së tij. "Jemi në momentin e së vërtetës”, deklaroi Barnieri, duke e lënë në duart e deputetëve fatin e qeverisë së tij. "Francezët nuk do të na e falin që kemi vendosur interesat e individëve përpara të ardhmes së vendit". Marine Le Pen e esktremit të majtë, kishte paralajmëruar më herët se do të prezantonte një mocion votëbesimi kundër qeverisë.