Shtatë persona janë raportuar të zhdukur pasi stuhitë e dhunshme goditën një zonë të madhe të Francës juglindore mbrëmjen e së shtunës vonë, thanë autoritetet të dielën. Pesë persona, përfshirë dy fëmijë, janë zhdukur në rajonin Gard, pasi janë përfshirë nga përmbytjet teksa po përpiqeshin të kalonin urat me makinë të shtunën mbrëma. Një baba dhe dy fëmijët e tij të moshës 4 dhe 13 vjeç u rrëmbyen nga uji në Dions, në veri të Nîmes, dhe dy persona të tjerë në Goudargues, në veri të rajonit. Një person konsiderohet i zhdukur po ashtu në Saint-Martin-de-Valamas dhe një operacion kërkim-shpëtimi po vazhdon. Një person i shtatë u raportua i zhdukur të shtunën në mbrëmje në Ganjières, në veri të departamentit Gard. Personi tjetër që ndodhej në makinë me të ka arritur të dalë nga automjeti pasi është kapur tek një pemë. Duke folur në platformën X, Ministri i Brendshëm Gérald Darmanin falënderoi zjarrfikësit për përpjekjet e tyre të shpëtimit. Në shumë nga rajonet e francës është në fuqi alarmi portokalli për përmbytjet, niveli i dytë më i lartë i alarmeve. Dhesituata do të mbetet alarmante të paktën deri të hënën.