Alarme për bomba janë regjistruar në francë, në versajë dhe muzeun e Luvrit. Të dy këto pika frekuentohen nga miliona turistë dhe pas alarmeve ato u evakuuan dhe qëndruan të mbyllura përgjatë gjithë pjesës së mbetur të ditës. Në vend është rritur në maksimum alarmi për sulme terroriste, pas ngjarjes së regjistruar në Arras, në veri të francës, ku një mësues u vra me thikë nga një person që thirri Allahu Akbar para se të kryente aktin e cmendur. Luvri ka njoftuar vizitorët në rrjetet sociale se për motive sigurie muzeu do të qëndronte i mbyllur të shtunën. Të gjithë ata që kishin prenotuar një vizitë atje, do të rimbursoheshin. Një zëdhënës i muzeut tha se luvri kishte marrë një mesazh të shkruar që sinjalizonte një rrezik për të dhe për vizitorët. Ndaj zgjodhëm të evakuonim ambjentet dhe të mbylleshin dyert përgjatë gjithë ditës, kohë kjo e nevojshme për të bërë verifikimet e duhura – thanë drejtuesit. Ndërsa për versajën, kërcënimi kishte ardhur me një mesazh anonim të dërguar në adresë të policisë. Ndërkohë në paris është regjistruar edhe një tjetër inciden. Është evakuuar për një kohë të shkurtër edhe salla e pritjes në Gare de Lyon, stacioni kryesor hekurudhor i kryeqytetit, për shkak të një objekti të dyshimtë. Zyrtarët sidoqoftë sqaruan më pas se nuk kishte patur një alarm për bombe dhe se objekti kishte rezultuar i padëmshëm.