Franca bëhet shteti i parë në botë që u kërkon ligjërisht supermarketeve të dhurojnë ushqimin që nuk shitet për bamirësi. Sipas nismës ligjore i gjithë ushqimi do të dorëzohet tek organizatat përkatëse të cilat më pas do ua shpërndajnë njerëzve në nevojë. Sipas ‘’Zero Ëaste Europe’’, dyqanet më të mëdha se 400 metra katrorë duhet të nënshkruajnë marrëveshje me depot e ushqimit për të rishpërndarë artikujt e pashitur. Në listën e ushqimeve përfshihen prodhimet e freskëta, mallrat e paketuara që janë pranë datës së skadencës por dhe artikuj të tjerë që rezultojnë të tepërt. Ligji gjithashtu ndalon supermarketet të prishin qëllimisht ushqimet, siç është derdhja e solucioneve që përmbajnë kimikate mbi artikujt që duhet të konsumohen nga njerëzit në nevojë. Ky ligj do të ndihmojë shumë njerëz që përballen me kushte të vështira ekonomie, ndërsa po shikohet me inters nga shumë vende të tjera Eurpiane që pritet ta aplikojnë në të ardhmen. Ky ligj e bën Francën një lider botëror në uljen e mbeturinave ushqimore.