Franca miratoi rritje të pagave – në vlerë prej 8 miliardë eurosh – për punëtorët shëndetësorë, të cilët janë lavdëruar për rolin e tyre në luftimin e koronavirusit. Marrëveshja u nënshkrua të hënën vonë midis qeverisë dhe sindikatave të punëtorëve, pas disa javësh negociata. Në bazë të saj, paga do të rritet për 183 euro në muaj. Punëtorët shëndetësorë në Francë janë lavdëruar gjatë gjithë kohës së pandemisë së koronavirusit, me shfaqje të rregullta të vlerësimit të publikut. Megjithatë, ata kanë zhvilluar protesta për të kërkuar rritje të pagave dhe fonde më të mira për spitalet.