Top News- Foshnjet që humbin jetën në Shqipëri/Shifra të frikshme, në 1000 lindje, 10 ndërrojnë jetë

Vdekshmëria foshnjore është përkeqësuar ndjeshëm vitet e fundit në vendin tonë. Eurostat në një raport përmbledhes për Ballkanin Përëndimor dhe Turqinë vërejti se, në Shqipëri 10 nga 1000 foshnja ndërrojnë jetë. Sipas Eurostat, kjo normë ishte më shumë se dyfishi i mesatares rajonale. Pas Shqipërisë, Kosova renditet me normën më të lartë në Ballkan, për t’u ndjekur nga Maqedonia e Veriut, Serbia dhe Mali i Zi. Tre vitet e fundit, Shqipëria ka hedhur poshtë përpjekjet e tre dekadave, kur vdekshmëria e foshnjave nën një vjeç hyri në një trend rritës të menjëhershëm. Të dhënat zyrtare tregojnë se në shkallë vendi, në vitin 2020 humbën jetën 281 foshnja, shumë afër rekordit të shënuar në vitin 2012. Rritja e fenomenit për të dytin vit ndodhi në një kohë që lindjet ranë me shpejtësi.