Dy mjekë pediatër janë marrë nën hetim nga prokuroria në dyshimet e neglizhencës në kryerjen e detyrës pas rastit tragjik të vdekjes së një foshnje 7 muajshe. Ngjarja ka ndodhur më 21 korrik, kur foshnja është nisur me urgjencë në spitalin rajonal Omer NIshani, por ka fatkeqësisht ka ndërruar jetë gjatë rrugës. Për këtë arsye është nisur një hetim ndaj dy mjekëve pediatër Mikel Koti dhe Edmon Kotoni, pasi sipas pretendimeve kanë neglizhuar trajtimin në dy raste kur kanë vizituar foshnjen përgjatë muajit korrik. Lidhur me rastin Policia e Gjirokastrës ka referuar materialet në Prokurori ku dhe nisi procedimi penal për dy shtetasit, me detyrë mjekë pediatër në Spitalin Rajonal Gjirokastër, pasi dyshohet se në dy raste, gjatë muajit korrik, kanë neglizhuar trajtimin mjekësor të foshnjes.