Të tjera akuza janë ngritur ndaj 43-vjeçarit grek, I cili dyhsohet se është vrasësi I një foshnje rreth 8 muajsh në Kyspeli të Athinës. Sipas mediave greke, ndaj tij janë ngritur edhe akuzat e kërcënimit, dëmtimit të pronës, dhunë ndaj punonjësve dhe tentativë arratisjeje. Këto akuza u ngritën, pas një incidenti të shënuar gjatë transferimit në gjykatë pas arrestimit të tij, kur 43-vjeçari u sulmoi punonjësit dhe u përpoq të arratisej. Sipas mediave greke, gjyqi është shtyrë për më 5 tetor, për shkak se mungonte avokati i tij. Sakaq, 43-vjeçari, 38-vjeçarja gjermane dhe i riu afgan do të dalin përsëri para gjyqtarit nesër. 43-vjeçari dhe 38-vjeçarja gjermane po ndiqen penalisht për vrasjen e foshnjës që u gjet në valixhe në apartamentin në rrugën Thasos në Kypseli. Ndaj tyre është ngritur ndjekje penale, për vrasje me dashje të një anëtari të familjes në bashkëpunim, armëmbajtje pa leje, mbajtje municionesh dhe dëshmi të rreme.