Një foshnje vetëm gjashtë muajshe, e shtruar në spital në fillim të majit, në Padova për një hemoragji cerebrale, ka rezultuar pozitive për kokainë. Mbi rastin janë marrë në pyetje prindërit sepse mes hipotezave që janë marrë në konsideratë nga karabinierët është edhe ajo që vogëlushja është keqtrajtuar. Foshnja, sipas mediave lokale ishte dërguar me urgjencë në spital më 9 maj dhe në trupin e saj ishin vënë re edhe trauma. Hetuesit duan tani të kuptojmë nëse foshnja ka qenë viktimë e sindromës Baby shake, ose ndryshe tundje të dhunshme dhe të vazhdueshme për ta bërë atë të pushojë së qari, apo nëse traumat e pësuara janë shkaktuar nga mosvëmendje e njërit prej prindërve. Prokuroria e Venezias, për momentin ka hapur një dosje pa hipoteza për krim dhe pa të hetuar. Kokaina ndërkohë u pikas në gjak pas një testi mbi flokët e foshnjes dhe si pasojë nuk është gëlltitur nga ajo por thithur në afërsi. Ndërkohë, gjendja e vogëlueshes është e rëndë edhe pse mjekët kanë vënë re përmirësime. Hetuesit ndërkohë po analizojnë dinamikat familjare: vajza jeton në fakt me të ëmën që nuk është e martuar dhe nuk bashkëjeton me të atin. Të dy ata janë marrë në pyetje në përpjekje për të zbardhur ngjarjen dhe për të zbuluar se cfarë ka shkaktuar trauma cerebrale tek foshnja.