Përpjekjet e Evropës për të përgatitur forcat e saj të armatosura në pritje të një konflikti të madh me Moskën kanë hapur rrugë të reja, ndërsa lufta Rusi-Ukrainë hyri në një fazë të re këtë fundjavë pas një operacioni historik nga shërbimi i sigurisë së Kievit. Ukraina të dielën kreu një sulm të paprecedentë në të cilin tufa dronësh kamikazë shkatërruan dhjetëra avionë ushtarakë në katër baza ajrore të ndara në të gjithë Rusinë. Tani, kur Vladimir Putin po përgatit përgjigjen e tij, udhëheqësit evropianë dhe shefat e mbrojtjes po punojnë për të siguruar që ushtritë e tyre të mund të përballen me çdo kërcënim që vjen nga Moska. Kryeministri britanik, Keir Starmer, tha të hënën se do ta bëjë Britaninë gati për luftë dhe u zotua të ndërtojë nëndetëse të reja bërthamore, fabrika municionesh etj. Kancelari gjerman, Friedrich Merz tha javën e kaluar se berlini do financojë prodhimin e raketave me rreze të gjatë veprimi në Ukrainë pasi parlamenti miratoi më herët 500 miliardë euro për shpenzimet e mbrojtjes.