Shtetet e Bashkuara të Amerikës kanë organizuar formacionin e tyre më të madh ushtarak sulmues ndonjëherë, duke shfaqur avionë supersonikë të padukshëm, helikopterë sulmues dhe dronë ushtarakë. Shfaqja e fuqisë, e quajtur “Shëtitja e Elefantëve”, u formua duke përdorur 53 avionë ushtarakë amerikanë, në bazën ushtarake amerikane Kadena në Okinaëa, Japoni. Avionët u vendosën pas helikopterëve të avancuar ushtarakë dhe u rrethuan nga sisteme mbrojtëse ajrore në të dyja anët. Dronët sulmues dhe avionët detarë ishin pjesë e formacionit, ndërsa avionë më të mëdhenj u vendosën pas formacionit të avionëve luftarakë. Spektakli ushtarak ofroi një gamë të gjerë avionësh ushtarakë të avancuar, duke përfshirë 24 avionë F-35A të Forcave Ajrore Amerikane, tetë F-15E të Forcave Ajrore Amerikane, gjashtë helikopterë HH-60 Jolly Green. Dy dronë MQ-9 Reaper, dy MC-130J Commando dhe gjashtë Stratotanker KC-135 ishin gjithashtu të pranishëm. Formacioni ruhej nga dy sisteme mbrojtëse ajrore MIM-104 Patriot të Ushtrisë Amerikane. Formacioni ushtarak kuptohet të jetë një nga më të mëdhenjtë në historinë e kohëve të fundit. Në vitin 2020, një formacion prej 52 avionësh u vendos në Bazën Ajrore Hill në Jutah. Dhe ky demonstrim force vjen pasi një admiral i lartë amerikan ka paralajmëruar se Kina së shpejti do të jetë në gjendje të mposhtë SHBA-në në një luftë për Tajvanin. Paralajmërimi pason frikën se kina po përgatitet për një pushtim në shkallë të plotë të ishullit ndërkohë që ka forcuar ushtrinë e saj.