Rreth 3,000 trupa elitare nga SHBA, Britania e Madhe dhe 22 vende të tjera po marrin pjesë në stërvitjen më të madhe të forcave speciale të NATO-s në Evropë, edhe pse Donald Trump po zvogëlon mbështetjen për aleatët e tij. Eventi 10-ditor, që përfshin 10 vende, është projektuar për të testuar përgjigjet ndaj përpjekjeve të një armiku të paidentifikuar, që me shumë mundësi është Rusia, për të depërtuar në territorin e NATO-s dhe për të kryer akte sabotimi, sulme kibernetike dhe të tjera nën pragun e një sulmi të plotë. Një nga etapat e stërvitjes u zhvillua në greqi, kur trupat u hodhën me parashuta nga një avion ushtarak C-130 dhe më pas iu drejtuan ujit me gomone. Në skenar, trupat, të pajisura me syze për shikimin natën, ishin ngarkuar me detyrën e hyrjes së fshehtë në një vend detar ku rreth 10 forca të dyshuara armike, përfshirë një "objektiv me vlerë të lartë" kishin krijuar një bazë të vogël për të kryer operacione shkatërruese. Detyra e trupave speciale ishte që duke përdorur dronë dhe sisteme të tjera "armësh", të sulmonin bazën dhe të vrisin ose kapnin objektivin. Manovra të tjera po zhvillohen në tokë, det dhe ajër, në detin mesdhe, detin baltik dhe detin e zi, si pjesë e stërvitjes që quhet Trojan Footprint 2026. Stërvitja nisi më 11 maj dhe zhvillohet cdo 10 vjet.